15-4-2018 名古屋動物園

今朝好早起身，6：30就上咗去5樓展望大浴場浸多次溫泉，不過個露天風呂就唔夠浸喇。

浸完溫泉有人上嚟執房，之後食早餐，食飽喺附近行一陣，不過因為落雨關係都行唔到好遠，求其影下相就返旅館執行李走了。

我哋9點幾去到火車站，中途站關係好多人，所以唔係一齊有位坐。

返到名古屋12點幾，先去酒店放低行李，然後喺酒店附近食拉麵，食飽之後出發去動物園。

名古屋呢個動物園內有個sky tower，風景不錯，值得去下。

動物園都有櫻花睇

去完動物園就返名古屋駅買野，買完野返酒店抖一陣，之後出去食晚飯。

今晚去咗一間超級local的壽司店壽司，我哋係完全唔識日文，裡面又冇英文又冇圖，不過好彩有個侍應識英文，咁我哋都叫做叫到野食，我哋都叫咗一客拖羅食，1600円兩件，不過呢餐埋單唔係好貴。

食飽行咗去max value超市，跟住返酒店休息。

14-4-2018 下呂浸溫泉

今朝起身出去外面食早餐，我哋行到去中橋發現已經有彩車泊喺度。

咁影幾張相先啦，影完就去咗一間UCC食咗個早餐，跟住返酒店check out，然後去睇高山祭。

本來話11點開始人偶表演，不過可能怕落雨，10：35已經開始。雖然完全唔知佢講乜，不過表演都非常精彩。

睇完行上去日枝神社睇巡遊，跟睇一小段路，之後就去食壽司。

唔知係咪因為高山祭，今日有好多路邊攤，我哋喺路邊攤係咁買野食，食到好飽。

之後夠鐘搭車去下呂。

去到下呂車站酒店有車接送，我哋放低野就要即刻去浸私人溫泉。

浸完返房，今晚住和室瞓tatami，第一次住和室、第一次着浴衣、第一次食懷石料理，幾新奇。

食飽飯抖一陣，夜晚9點去浸溫泉，好彩酒店冇香港人，因為香港人太鍾意影相，咁高警誡下會冇咁開心。

之後返房休息。