26-12-2016 去水族館

今朝訓到自然醒，真係爽！

梳洗完去附近間Lotteria食早餐，兩個人share一個餐，頹到震。

食飽，搭地鐵去三成站的coex mall，為咗去睇佢個水族館。

水族館入 場費25000won，不過都值得去既，佢D水箱都幾乾淨，魚的種類多，相對Genoa嗰個號稱全歐洲第二大的水族館，coex呢個抵玩好多！

玩咗成兩個鐘，都幾抵吖。

玩完就喺商場入面一間土耳其餐廳食飯，12900won一個set，唔錯喎。

食飽返酒度休息一同放低D野，跟住出發去北村韓屋區。

其實我都幾佩服D人竟然可以着韓服行，正如去日本一樣，着住和服行街其實真係好辛苦（所以我完全冇做過呢D事）。我地行咗去observatory terrace睇景，跟住慢慢行落山。

我都唔知自己行咗去邊，不過行行下竟然去咗仁寺洞。

天黑喇，冇乜野行，我地食咗串魚蛋就去首爾站超市行，買咗D野返酒店，之後出去附近食炸雞。

老老實實韓國炸雞堅好味，D雞好滑，不過勁熱氣。

食飽行下夾下公仔（又話唔好玩但又要玩），玩完返酒店。