9-4-2014 首遊濟州

第一次去濟州。

今次旅程濟州入首爾出, 最初check機票見如果經首爾轉機要三千尾, 但港龍直航都只係四千頭, 咁無謂辛苦自己囉。

朝早9:00機去濟州, 去到當地下晝兩點左右, 先喺機場兌少少錢, 個rate真係唔太靚...

由機場搭的士去酒店, 是次下榻W hotel, 在一條小巷內, 旁邊就係寶健路步行街, 非常方便。

酒店附近的星巴克

的士司機的GPS非常準確, 南韓的科技確實利害。

放低行李喺酒店附近行吓, 在Paris Baguette求其買個包食, 然後搭的士去東來市場。

跟旅遊書所介紹行吓七星路同東來市場, 除咗個地下街同魚市場外其實都冇乜特別。

行咗一陣, 去咗Tom & Tom's Cafe飲嘢, 然後去濟州牧官衙參觀。

最愛mocha~~~

影吓相, 咁就玩咗一個鐘。

濟州牧官衙

濟州牧官衙

濟州牧官衙外的石像

然後返魚市場食海鮮。

書介紹話可以去魚市場買完海鮮搵店舖幫你整, 不過溝通唔到的情況下我哋求其殺入一間小店食嘢。

不過估唔到成間店除咗魚之外係冇其他海鮮食。

叫咗條煎魚同一碗魚湯, 其實都夠食, 不過我又唔特別覺得好好味囉。

煎魚

食完海鮮, 望下地圖去附近的E-mart買糧草。

原來喺E-mart買手信都抵喎。

買完嘢, 搭的士返酒店, 放低D野又出去附近行吓。其實我覺得寶健路重好行過東來, 不過呢度令我以為我返咗大陸。

由於今日搭飛機時瞓得太衰, 拉傷咗條腰, 所以早D返酒店休息。