由於酒店冇包早餐，我哋就喺鐵路站買傳說中的鐵路便當，其實日本便當好利害，凍咗都幾好味。
兩個半鐘鐵路去到高山，呢度好凍，去到酒店都即刻拎返件羽絨出嚟着，跟住出去食少少野。
我哋去咗一間叫做cafe if的餐廳食野，非常一般。
填飽個肚就行去中橋同護國神社睇櫻花。
之後喺護國神社後面見到有條樓梯，行行吓就去咗二之丸公園。
抖一陣，食吓野，然後就行返落山去宫川綠地賞櫻。
賞完櫻就行返酒店休息一陣，跟住出去車站買定明天的火車票，然後去咗一間叫做丸明既餐廳食飛驒牛。
飛驒牛又確實係幾好味既，雖然未至於入口即溶⋯⋯同埋我哋要自己燒肉，我覺得控制得唔太好。
食飽之後就行返去中橋睇夜櫻。
之後返酒店休息。
